Վարդաշեն համայնքի դպրոցականների համար նախատեսված կարողությունների զարգացման դասընթացի երկրորդ օրն էր

Շահանեի օգնությամբ դասընթացի մասնակիցները հնարավորություն ունեցան բացահայտել և դիտարկել իրենց այն կարողությունները, որոնք կօգնեն ապագայում ավելի հեշտ կողմնորոշվել մասնագիտություն ընտրելիս։

Հանդիպմանը հաջորդեց ստեղծարար պաստառների մրցույթը և բլոգեր Նինա Շահվերդյանի հետ զրույց — քննարկումը։

Նինան ստեղծագործական խմբային խաղերի միջոցով ներկաների հետ խոսեց տեղահանված արցախցի երիտասարդների ինտեգրման կարևորությունից՝ պատասխանելով երիտասարդների մի շարք հարցերին։

Եռօրյա դասընթացը տեղի է ունենում «Հանուն հավասար իրավունքների» կրթական կենտրոն ՀԿ- ի կրթական նոր ծրագրի շրջանակում, որի նպատակն է աջակցել բռնի տեղահանված արցախցի դեռահասաներին ինտեգրվել եւ վերականգնվել՝ կարողությունների զարգացման դասընթացների, կրթական ինտելեկտուալ խաղերի եւ արտ թերապիայի միջոցով։

Ծրագիրն իրականացվում է Հայաստանում Չեխիայի Հանրապետության դեսպանատան աջակցությամբ։