Մեդիագրագիտության տարածումը Արարատի մարզում

Ղուկասավանի միջնակարգ դպրոցում մեր թվով հինգերորդ մեդիագրագիտության-դասարան ակումբի ստեղծմանը զուգահեռ ծրագրի շրջանակում դրամաշնորհներ ստացան նաև Արալեզի միջնակարգ դպրոցի ուսուցչուհի Մարինե Զարոյանը և Վանաշենի միջնակարգ դպրոցի ուսուցչուհի Կարինե Ավետիսյանը: Ուսուցիչները ոչ ֆորմալ կրթական մեդիախմբակներում մի քանի տասնյակ միջոցառումներ են կազմակերպել՝ փոխանցելով երիտասարդներին մեդիագրագիտությանն առնչվող ինչպես տեսական, այնպես էլ գործնական գիտելիքներ՝ կրթական գործընթացը հետաքրքրացնելով թեմատիկ մրցույթներով, խաղերով, ֆիլմերի դիտումներով և բեմադրություններով: Արդյունքում երկու համայնքների ավելի քան չորս տասնյակ պատանիներ այս տարի զինվեցին նոր գիտելիքներով ու հմտություններով:

Շնորհակալություն ենք հայտնում մեր ծրագրի շահառու ուսուցիչներին պրոֆեսիոնալ աշխատանքի համար և Արարատի մարզպետարանի Կրթության, մշակույթի և սպորտի վարչության պետ Մարտին Մանուկյանին արդյունավետ համագործակցության համար: