«Հոդված 3» իրավունքի փառատոն

Սկիզբ՝ 2018

 

«Հոդված 3» իրավունքի փառատոնի նպատակն է խթանել մարդու իրավունքների կարևորությունն ինտերակտիվ միջոցառումների միջոցով՝ երիտասարդության շրջանում բարձրացնելով քաղաքացիական գիտակցությունը և իրավունքների իրազեկումը։


Ամեն տարի աշնանը տեղի ունեցող փառատոնն իր շուրջն է հավաքում ակտիվ քաղաքացիներին՝ դառնալով ոչ միայն մարդու իրավունքների խնդիրների բարձրաձայնման նոր հարթակ, այլև՝ ոգեշնչում ու կրթում է փառատոնի մասնակիցներին։

 

Փառատոնը նպատակ ունի հանրային, մշակութային միջոցառումների միջոցով բարձրացնել մարդու իրավունքների մասին իրազեկվածությունը, դառնալ երիտասարդների համար նոր գիտելիքներ ստանալու այլընտրանքային հարթակ, ստեղծել մարդու իրավունքների վերագնահատման և արժևորման մշակույթ։

«Հոդված 3» իրավունքի փառատոնի համակարգող

«Հոդված 3» իրավունքի փառատոն-2020
Հոկտեմբերի 12-17
Երևան, Իջևան

«Ա-Ֆ․ կարևոր է յուրաքանչյուրը»

Տարվա գլխավոր իրավատոնը կմիավորի մարդկանց հանրային համերաշխության և պատասխանատվության կոչով՝ բարձրաձայնելու արդարության և ներառականության մասին։

Դու կարևո՛ր ես, միացի՛ր մեզ հոկտեմբերի 12-17-ը Երևանում և Իջևանում՝ իրավագիտակից ու համերաշխ հասարակության մասնիկը դառնալու։

Փառատոնի ծրագրում ներառված բոլոր միջոցառումների մուտքն անվճար է։

Արցախում ստեղծված իրավիճակի հետևանքով «Հոդված 3» իրավունքի փառատոնն անժամկետ հետաձգվում է։

«Հոդված 3» իրավունքի փառատոն-2019
Սեպտեմբերի 15-21
Երևան, Վանաձոր

«Ես էլ եմ այստեղ»

2019 թվականի փառատոնը նվիրված էր ատելության խոսքի դեմ պայքարին։

Փառատոնի ծրագրում ներառված են հանրային մեծամասշտաբ միջոցառումներ․

  • «Ես կին եմ» ներկայացում, «Թատրոն 8» թատերախումբ
  • Սթրիթ-արթ
  • Խմբագրաթոն․Wikipedia ազատ հանրագիտարանում մարդու իրավունքների վերաբերյալ հոդվածների ստեղծում և հրապարակում
  • Զրույց մարդու իրավունքների մասին․ Վահե Գրիգորյան, Սահմանադրական դատարանի դատավոր
  • «Իմ ընտանիքը իմ ճամպրուկում է» ներկայացում․ Նարինե Գրիգորյան, ՀՀ վաստակավոր արտիստ
  • «Մարդու իրավունքները հայ գրականությունում․ Հովհաննես Թումանյան»
  • Զրույց մարդու իրավունքների մասին․ Ավետիք Իշխանյան, Արմեն Հայաստանցի
  • «Ժողով՝ Ագռավաձորի գյուղապետարանում» ներկայացում․ Փոփոխությունների թատրոն
  • «Վազի՛ր հանուն իրավունքների» վազքի մարաթոն
  • «Ռոքը հանուն իրավունքների» համերգ․ Լավ էլի, Բամբիռ
  • «Ի՞նչ, որտե՞ղ, ե՞րբ» խաղի հատուկ նախագիծ՝ մարդու իրավունքների թեմայով

«Հոդված 3» իրավունքի փառատոն-2018
Ապրիլի 26-մայիսի 3
Երևան, Գավառ

«Երիտասարդ, արի՛ սովորենք»

 

Փառատոնը նվիրված էր ՄԱԿ-ի Մարդու իրավունքների համընդհանուր հռչակագրի ընդունման 70-ամյակին։

 

Փառատոնի շրջանակներում անցկացվեցին թեմաներով հանդիպում- քննարկումներ, մարդկային գրադարանի հանդիպումներ իրենց իրավունքները վերանվաճած հերոսների հետ, ֆիլմի դիտում, ստրիտ-արտ, թատրոն, քաղաքային քվեստ, լուսանկարչության, գեղանկարչության և ուղերձների մրցույթներ, իսկ փառատոնն ամփոփվեց բացօթյա ռոք-համերգով։