Մեկնարկում է «Հոդված 3» մարդու իրավունքների դպրոցի նոր ուսումնաշրջանի ընդունելությունը։

Դպրոցի մեկնարկը կտրվի մարտի 17-ին, շաբաթական հանդիպելու ենք 2 անգամ, ժամը 15։00-18։00-ին «Հոդված 3» ակումբում։

Դպրոցը հիանալի փորձառություն կդառնա եւ հնարավորություն կտա․

— ծանոթանալ մարդու իրավունքների պաշտպանության ներպետական և միջազգային իրավական կարգավորումներին, իրավակիրառ պրակտիկայում առկա խնդիրներին։

— Խորությամբ հասկանալ մարդու իրավունքների խնդիրները փակ և կիսափակ հաստատություններում:

— Հանդիպում-քննարկումներ ունենալ հայտնի իրավապաշտպանների, ոլորտի մասնագետների և պետական մարմինների ներկայացուցիչների հետ:

— Ստանալ առաջարկներ պրակտիկա անցնելու կամ աշխատելու գործընկեր կազմակերպություններում:

— Առավել մրցունակ լինել աշխատաշուկայում՝ ստացված գիտելիքների եւ գործնական փորձառության շնորհիվ:

Դպրոցը հատուկ ծրագիր է՝ նախատեսված իրավաբանական կրթությամբ (կամ ստացող) անձանց համար: Դիմել կարող են ԻՐԱՎԱԲԱՆԱԿԱՆ ֆակուլտետների/բաժինների 1-4-րդ կուրսի, մագիստրատուրայի կամ ասպիրանտուրայի ուսանողները եւ նորավարտ իրավաբանները։

Այս տարի ազատ ունկնդրի կարգավիճակով կարող են դիմել նաև ավագ դպրոցի այն աշակերտները, որոնք ապագայում ստանալու են իրավաբանական կրթություն։

Հայտադիմում —https://bit.ly/40OnAU2

Դպրոցն իրականություն դարձավ Friedrich Naumann Foundation for Freedom Armenia գրասենյակի հետ համագործակցության արդյունքում։