Վերջին հինգ շաբաթների ընթացքում տեղի ունեցավ «Կրթություն և վերականգնում․ Արցախից բռնի տեղահանված կանանց կարողությունների զարգացում» ծրագրի չորրորդ շրջափուլը

Հանդիպումների ընթացքում մասնակիցները ձեռք բերեցին գիտելիքներ ֆինանսական անվտանգության, վարկային հնարավորությունների և ռիսկերի ճիշտ գնահատման, բիզնես գործընթացների փաստաթղթավորման, հարկատեսակների, վարչական իրավախախտումների վերաբերյալ, ինչպես նաև գաղափարը բիզնեսի վերածելու, ձեռներեցություն նախաձեռնելու, ծառայությունը հանրությանը հասանելի դարձնելու հմտություններ։

Ծրագրի երկրորդ բաղադրիչը նվիրված էր սեփական արտադրանքը և ծառայությունները սոցիալական ցանցերի միջոցով հանրայնացնելու հմտությունների ձեռք բերմանը և SMM գործիքակազմի կիրառման մեթոդաբանությանը, որի ընթացքում մասնակիցները նաև սովորեցին որակյալ լուսանկարներ և վիդեոներ ստեղծելու հնարքներն ու գործիքները։

«Հանուն հավասար իրավունքների» կրթական կենտրոն ՀԿ-ն և «Հոդված 3» ակումբը, մշտապես կարևորելով պատերազմից եւ բռնի տեղահանումից տուժած կանանց եւ աղջիկների վերականգնման եւ տնտեսական հզորացման հարցերը, իրականացրել է բազմաթիվ ծրագրեր՝ աշխատելով ու աջակցելով ավելի քան 11000 արցախցի ընտանիքների։

Ավելի մանրամասն կարող եք ծանոթանալ և աջակցել մեր ծրագրերին https://shorturl.at/hmbxW

Սույն ծրագիրն իրականացվում է «Հանուն հավասար իրավունքների» կրթական կենտրոն ՀԿ-ի կողմից, «Կանանց ռեսուրսային կենտրոն» ՀԿ-ի հետ համատեղ՝ Շվեդիայի ֆինանսավորմամբ։