Նոյեմբերյանի ավագ դպրոցում փառատոնի փակում
Նոյեմբերյանի ավագ դպրոցում փառատոնի փակմանը մասնակիցներին ողջույնի խոսքով դիմավորեց Նոյեմբերյան համայնքի ղեկավար Արսեն Աղաբաբյանը, ՀՀ ԿԳՄՍ նախարարության Երիտասարդության հարցերի վարչության ներկայացուցիչ Վերոնիկա Խորասանյանը և «Հանուն հավասար իրավունքների« կրթական կենտրոն ՀԿ նախագահ Գայանե Աբրահամյանը։
Ողջույնի խոսքին հաջորդեց ծրագրի մասնակից երիտասարդներին ծրագրի վկայականների հանձնման արարողությունը։Մինչ բեմ կբարձանային փառատոնի շրջանակում հատուկ բեմադրված «Ֆեյք լուրերի մամլո ակումբ» ինտերակտիվ ներկայացման դերասանները՝ ցուցադրվեց նաև ծրագրի մասնակից Մարգարիտա Նալբանդյանի հեղինակած անիմացիոն մուլտֆիլմը մեդիագրագիտության կարևորության մասին։Հուլիսի 25-30 անցկացվող «ՄեդիաԴիտակ» մեդիագրագիտության փառատոնը կարողացավ իր շուրջը համախմբել Գեղարքունիքի և Տավուշի մի շարք համայնքների ավելի քան 200 երիտասարդների՝ դառնալով վերլուծական մտքի զարգացման եւ մեդիագրագիտության խրախուսման նոր հարթակ։Փառատոնը նաեւ նոր հնարավորություն էր մի քանի տասնյակ երիտասարդների համար կազմակերպել և իրականացնել թեմային առնչվող կրթական, մշակութային, սպորտային, ժամանցային և բնապահպանական միջոցառումներ՝ բոլորին միավորելով «Արի՛ ՄեդիաԴիտակ, որ դառնաս ՄեդիաԳիտակ» կարգախոսով։«ՄեդիաԴիտակ» մեդիագրագիտության փառատոնը ծրագիրը ֆինանսավորվել է ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակներում եւ իրականացվում է «Հանուն հավասար իրավունքների» կրթական կենտրոն ՀԿ-ի կողմից։