Մեկնարկում է Արցախից բռնի տեղահանված կանանց կարողությունների զարգացման ծրագրի 4րդ շրջափուլը

«Հանուն հավասար իրավունքների» կրթական կենտրոն ՀԿ-ն և «Հոդված 3» ակումբը, մշտապես կարևորելով պատերազմից եւ բռնի տեղահանումից տուժած կանանց եւ աղջիկների վերականգնման եւ տնտեսական հզորացման հարցերը, մեկնարկում է նոր ծրագիր՝ աջակցելով զարգացնել եւ ընդլայնել ձեռնարկատիրական հմտությունները, ստանալ ֆինանսական, հաշվապահական, ռիսկերի կառավարման, բանկերի հետ ճիշտ աշխատելու գիտելիքներ եւ վաճառքի ու ծառայությունների մատուցման կարողություններ։

Ծրագիրը բաղկացած է 5 շաբաթյա տարբեր դասընթացներից․

ԴԱՍԸՆԹԱՑՆԵՐԻ ՀԻՄՆԱԿԱՆ ԹԵՄԱՆԵՐՆ ԵՆ.

Ձեռներեցության առաջխաղացում,

Ծառայությունների մատուցման հնարավորությունների ընդլայնում,

SMM հմտությունների զարգացում, սեփական արտադրանքը, ծառայությունները հանրայնացնելու կարողություններ,

Սեփական արտադրանքի եւ ծառայությունների հանրայնացման համար լուսանկարչական, վիդեո, մոնտաժ իրականացնելու հմտություններ,

Սպասարկման ոլորտում էթիկայի կանոններ, հաճախորդների հետ հաղորդակցման ճիշտ մոտեցումներ,

Նոր շուկաներ գտնելու կարողություններ,

Հաշվապահական, տնտեսաիրավական դասընթաց,

Ֆինանսական գրագիտություն, ֆինանսական անվտանգություն, բանկերի հետ աշխատանք, վարկային հնարավորություններ եւ ռիսկերի ճիշտ գնահատում

Ինչպե՞ս դիմել․

Ծրագրին կարող եք դիմել՝ լրացնելով հետևյալ հայտադիմումը

Դիմելու վերջնաժամկետն է՝ ՕԳՈՍՏՈՍԻ 27-ը

Դասընթացներն անցկացվելու են շաբաթական երկու անգամ՝ շաբաթ և կիրակի օրերին։

Սիրով սպասում ենք ձեր հայտերին։

Ծրագիրն իրականացվում է «Հանուն հավասար իրավունքների» կրթական կենտրոն ՀԿ-ի և «Հոդված 3» ակումբի կողմից, «Կանանց ռեսուրսային կենտրոն» ՀԿ-ի հետ համատեղ՝ Շվեդիայի ֆինանսավորմամբ։