Մեկնարկեց «Կրթություն և վերականգնում․ Արցախից բռնի տեղահանված կանանց կարողությունների զարգացում» ծրագրի երրորդ շրջափուլը

Ծրագրի առաջին երկու օրերի ընթացքում շահառուները, հաղորդակցության մասնագետ Գեղամ Հակոբյանի հետ, սկսեցին սովորել սեփական արտադրանքը և ծառայությունները սոցիալական ցանցերի միջոցով հանրայնացնելու հմտություններ, ծանոթացան SMM գործիքակազմին և սոցիալական ցանցեր վարելու գաղտնիքներին, ինչպես նաև դրանց արդյունավետ կիրառման մեթոդաբանությանը։

Առաջիկա հինգ շաբաթների ընթացքում, ծրագրի շահառուները ձեռք կբերեն մի շարք ուղղություններով անհրաժեշտ գիտելիքներ եւ հմտություններ՝ հայաստանյան աշխատաշուկայում և սպառողական շուկայում ձեռներեցություն նախաձեռնելու և ծառայությունների մատուցման հնարավորությունները ընդլայնելու նպատակով։

«Հանուն հավասար իրավունքների» կրթական կենտրոն ՀԿ-ն և «Հոդված 3» ակումբը, մշտապես կարևորելով պատերազմից եւ բռնի տեղահանումից տուժած կանանց եւ աղջիկների վերականգնման եւ տնտեսական հզորացման հարցերը, իրականացրել է բազմաթիվ ծրագրեր՝ աշխատելով ու աջակցելով ավելի քան 11000 արցախցի ընտանիքների։

—

«Կրթություն և վերականգնում. Արցախից բռնի տեղահանված կանանց կարողությունների զարգացում» ծրագիրը մեկնարկել է 2024 թվականի մարտ ամսին։ Ավելի մանրամասն կարող եք ծանոթանալ և աջակցել մեր ծրագրերին https://shorturl.at/YElSy։

Սույն ծրագիրն իրականացվում է «Հանուն հավասար իրավունքների» կրթական կենտրոն ՀԿ-ի կողմից, «Կանանց ռեսուրսային կենտրոն» ՀԿ-ի հետ համատեղ՝ Շվեդիայի ֆինանսավորմամբ: