«Հոդված 3․ Կանանց առաջնորդության ակադեմիա»

«Հանուն հավասար իրավունքների» կրթական կենտրոն ՀԿ-ն մեկնարկում է «Հոդված 3․ Կանանց առաջնորդության ակադեմիա» կրթական ծրագիրը։

Ծրագրի նպատակն է կանանց կարողությունների զարգացումը, հզորացումը և ինքնազինումը՝ տրամադրելով կրթական և հոգեբանական վերականգնման և զարգացման համար համապատասխան գիտելիքներ և հմտություններ, որպեսզի նրանք դառնան իրենց համայնքներում փոփոխության շարժիչ ուժ:

Ծրագրին կարող են մասնակցել․

* 18-40 տարեկան մարզաբնակ կանայք

* 18-40 տարեկան արցախցի կանայք

«Հոդված 3․ Կանանց առաջնորդության ակադեմիա» կրթական ծրագրի 7 շաբաթյա ակադեմիայի շրջանակում ծրագրի 40 մասնակիցները ձեռք կբերեն հիմնարար գիտելիքներ մարդու իրավունքների, քաղաքացիական ակտիվիզմի, ջատագովության և որոշումների կայացման, մեդիագրագիտության և թվային իրավունքների վերաբերյալ։

Մասնագիտական հմտություններից զատ, մասնակիցները նաև կստանան համայնքային ծրագրերի մշակման և իրականացման հնարավորություն։

Դասընթացների հաջորդ փուլում մասնակիցները հնարավորություն կստանան մասնակցել ենթադրամաշնորհների մրցույթի և հաղթելու դեպքում իրականացնել իրենց համայնքային ծրագրերը։

Ծրագրին միանալու համար անհրաժեշտ է լրացնել կից հայտադիմումը` մինչև սեպտեմբերի 25-ը` https://shorturl.at/VXG0v

Մասնակիցների ընտրությունը կատարվելու է մրցութային կարգով, ուստի հաջորդ փուլ անցած մասնակիցները կստանան հաստատող նամակ։

«Արցախից բռնի տեղահանված կանանց հզորացում» ծրագիրն իրականացվում է Հայաստանում Նիդերլանդների Թագավորության դեսպանության աջակցությամբ: