Աշխատաժողովը մեկնարկեց ՀՀ Մարդու իրավունքների պաշտպան Անահիտ Մանասյանի հետ հանդիպմամբ եւ բանախոսությամբ

Մարդու իրավունքների պաշտպանը ոչ միայն մանրամասն ներկայացրեց մի քանի ուղղություններով իրականացված աշխատանքները, դրանց լուսաբանման այն առանձնահատկությունները, որոնք կարևոր են աշխատաժողովի մասնակիցների տեղեկացվածության և տարբեր ոլորտների առնչությամբ զգայունության բարձրացման համար, այլ նաեւ պատասխանեց բազմաթիվ հարցերի եւ դիտարկումների։

Լրագրողական աշխատաժողովն իրականացվում է Հայաստանում Նիդեռլանդների Թագավորության դեսպանատան աջակցությամբ, որին մասնակցում են 22 լրագրողներ՝ առաջատար լրատվամիջոցներից։

Աշխատաժողովը մաս է կազմում «Հոդված 3․ լրագրողները՝ հանուն իրավունքների» լրագրողական մրցանակաբաշխության, որն անցկացվում է ամեն տարի դեկտեմբերի 10-ին՝ Մարդու իրավունքների պաշտպանության միջազգային օրը, նախապես հայտարարված անվանակարգերով և դրամական մրցանակային ֆոնդով։